قصيدة للشاعر نايف المحينيش

الرأي - مضواح بن شتوي - الرياض

عز الله اني كل مااصبحت وامسيت

ادمح خطا اللي عن حدوده تعدّى

***

امشي على درب الرجال النعاتيت

واتبع ورى منهاجهم واتقدّى

***

وشلون تنشدني معك ويش سويت

وانته على نفسي وروحي مبدّى

***

في كل مرة بقبل العذر لاخطيت

لو الخطا كنك عليه اتحدّى

***

ياكثر مافي حق نفسي تماديت

ماكنك الا من الخصوم الالدّى

***

وياكثر مافي داخل الصدر كنيت

واصبر وعدّي شي ماينتعدى

***

اللي نقل لك هرج ياذايع الصيت

مثله يوم انه جاب لك هرج ودّى

***

وانا على خبرك مثل ماتهقويت

حصنٍ منيعٍ دون ربعي وسدّى

***

رجلٍ على عرش المراجل تعليت

والمرجله تعشق ملكها المفدّى

***

فأن جاتني زله من الربع صديت

وخليتها على سنعها تعدّى

***

مع الردي واهل الردى ماترديت

وشلون اجل فالطيبين آتردى

***

نايف المحينيش