سعيد 

ياهاجسي مع اخر الليل حييت
تحية” تاتي على وقت الاشراق

****
أول حضورك له مع الصبح توقيت
يشبه غيابي كل ماخاطري ضاق

****
من كثر ماجيت بخيالي ومريت
شيدت لك بالقلب واحات وافاق

****
البارحه والشوق يدعيك ماجيت
وذابت قناديل المشاعر والاشواق

****
ياللي على رجم الطويله تعليت
الطف بقلب” له مع الصدق ميثاق

****
وان كان خانتك المواثيق؟ ياليت
ترحل عن عيون” بها الدمع دفاق !

****
وافيت في كل المواقف وضحيت
وحملت قلبي من المعاناه ماطاق

****
مال الدموع الا بقايا التناهيت
ولا للاماني غير زفرات الاعماق

****
مال الفراق اللي به احترت واقفيت
غير الوصال اليا ذكر لحظة افراق

****
صبح النوايا .. لاشرقت واستهليت
اصدق من الدمعه على رمش الاحداق

****
طهر البراءه سجدة” يوم صليت
ارق والطف من عتب بين عشاق

****
من ديمها فيض المشاعر مقابيل
سحابة” تروي ضمأ كل الاذواق

****
ماجيت أدور بالقصايد على صيت
لي هاجس” لحروفه السمع تواق

****
كل مابغيت أشعل صباحه تحريت
أقرأ تفاصيل الالم فوق الاوراق

****
يسج فكري مع بحوره لو أخفيت
كل الهموم اتعانق الخافق أعناق

****
ولو كل حرف” للمبادي غدى بيت
الشعر يسمو بالمبادي والاخلاق

****
الشاعرة شمس العنزي