الرأي - مضواح بن شتوي - الرياض  

يالله يا رب النبي والصحابه
ورب التجار ورب كل الصعاليك

طالبك تجعل دعوتي مستجابه
يا واحدن عبدك يخافك ويرجيك

تجعل لما يغضبك عندي مهابه
ومحبةٍ للي عن الخلق يرضيك

تفرج لقلبٍ ما يعالج صوابه
ويدك فيه من الطواري دواكيك

ويكفيه عن زود الغرابيل مابه
يا واحدٍ مفتاح الافراج بيديك

ويالعبد لو عضك زمانك بنابه
اصبر برجوى اللي يميتك ويحييك

صبرك على جور الزمان وعذابه
ولا صبر ابن عمك عليك وبني خيك

سعود بن جمعان المطيري