يا ويش نبغى براس بارد دمه
ما يحتمي عند ماجوبه و مطلوبه
***
لا صار ما يطلق حجاجه لبن عمه
وش فادني ضحكته للناس واسلوبه
***
احسن يفارق ما دام الوضع ما همه
ولا بد وقته يبيّن ويش عذروبه
***
والا يجيني يعاهدني على الذمه
من قبل لا اقطع حباله واعلن التوبه
***
الوقت فضاح والوارد على الجمه
عساه يلقى مع الايام مشروبه
***
واللي مجاله قريب و من تحت كمه
يصبر على حشة العربان عرقوبه
***
ما هو بمثل السنافي مبعد الهمه
يا جعله فدا مواقيفه و ماجوبه
***
علي بن ضاوي
(
(
