الرأي - مضواح بن شتوي - الرياض
سما سما والعين تشبح للسماء وتوق
ولا يكسر نظرها قل مال وقلة الفزعه
****
لو ان حظي مثل حرٍ يجّود عل الوكر بسبوق
وله تبلاغه ومرسل ترده عن هوى النزعه
****
وردات الهقاوي اللي هقيناه تسند فوق
تعود كلها وأمالها في خاطري هزعه
****
ولحيت الاجودي حتت وراح شنيبه محلوق
وذوايب راس ابو الافعال وقته حالقه قزعه
****
ولو أن العزاوي في بعض الاصحاب جاها العوق
من أعذار الردي اللي عن الطاله نضب وزعه
****
وفزعات الشلي من شين وقته ماتبل حلوق
ولو سيفه صقيلً ما قوى شلَه ولا نزعه
****
وصار الخافق المستور متمزع وفيه أفتوق
تَفتقّه الظروف وكل ظرفاً مازعاً مزعه
****
فانا مؤمن بحكم الله وبقداره على المخلوق
وأنا راضي ولا لي عل القدر شرهه ولا جزعه
****
وخليها سما والعين تشبح للسماء وتوق
ولا يكسر نظرها قل مال وقلة الفزعه
****
علي بن نملان
(
(
